ZOMI TEDDIM TONG LUANTANGTHU

India gam,Manipur gamte a om, Imphal Arch Diocese pan Rev. Fr. Mark Thang Khan Ai leh Kawlgam Hakha Diocese pan Rev. Fr. John Om Se te in Philippine gam Manila khua pi ah kum thum sung Pasian' thuthuk pilna sang sinin va kituah kha uh hi.
Amaute nih in Manila khuapi sung Quezon city mun a om RVA phualpi ah pai-in thu paizia va kan uha, thu vaan pi te tawh ki mu-in, Zomi (Chin) hun ngah theihna ding va kup pih uh hi.
Tua tawh kizom in Imphal (India) Arch Diocese Siadawpi Siampilian Uk Arch Bishop Joseph Mittathany leh Hakha Diocese (Myanmar) Siampilian Bishop Nicholas Mang Thangte ii thu kimpihna la-in, Rev. Fr. Mark Thang Khan Ai in 1994 kum May kha sungin RVA ah Zomi (Chin) Vaigual ngah nangin ngetna laipi na phah hi.

HAKHA DIOCESE PAN HANCIAM NA

Tua banah RVA, Zomi hun ngahnang thu a taangcin na dingin Hakha Diocese, Commission for Social Communication Director Rev. Fr. Anthony Hem Kho Sei makaih na tawh RVA thungai mi (Audience) kaikhawm pawl leh Vaigual programe bawl pawl kipawl na a masa pen meeting pi khat 1994 kum December kha sungin Kalaymyo St. Mary biakinnpi ah ki bawla, tua tawh kizui-in Radio ngai (Audience) misazian la-in Thu vaan pi, Rev.Fr. Mark Thang Khan Ai tungah ki puak hi.

ZOMI-CHIN SERVICE MINVAWH NA

Zo (Chin) minam te sungah pau namtampi oma, Kawlgam Chin gamte sunga Tedim (Zomi), Falam, Hakha, Mindat minam pau nam khempeuh a huam pi-in "Chin" minam ki ci hi.
India gam sungah a tam zaw Mizogam leh Manipur gam sungah Tedim (Paite), Zou, Thahdou te teeng uh a, amaute Chin ki ci lo-in, amau min puak tek tawh na ki lo uh hi. Tua ahih manin India gam a teeng i Zomi pihte leh Kawlgam a teeng ih mipih buppi a huam dingin RVA ah, "ZOMI-CHIN SERVICE" cih min a ki vawh a hi hi. India gam Imphal Pastoral Audiao Visual Center phualpi in na ki nei hi.

Kawlgam a ding in Director a sem teng

  • Rev. Fr. Anthony Hem Kho Sei, (1996-2000)
  • Rev. Fr. Dominic Kung Teal (2000-2009)
  • Rev. Fr. John Paul Mang Sein Yaw (2009-2012)
  • Rev. Fr. Joseph Pau Lian Kham (2012-2016)
  • Rev. Fr. Joseph Thang Nen Zo Mung(2017-

RVA - ZOMI TEDIM Tongluan Hong pian khiat na

2013 Kum in, Rev. Fr. Joseph Pau Lian Kham in RVA ah panmun hong lak ciangin RVA ah thunei pi , Rev. Fr. Gabirel Htun Myint tawh ki kum in 2014 kum January kha pan kipanin Tedim hun a tuamin ki ngah in, 2014 January ni 6 ni panin, Teddim pau tawh kikhah khia ta hi. Service pen, Chin service nuai mahah hong kikoihsak aa, ei pau in, RVA ZOMI TEDIM TONG LUAN kici hi. Thu tangko te, late leh, thugen nate khempeuh Teddim pau in kigen aa, kalkhat in, Monday, Tuesday, Wednesday nithum kingah in, Zingsang nai 8:00 pan Nai 8:30 ciang a hihi. 2016 kum a kipan in, nai 24 internet Radio zong ki khah khia hi.

Pan mun vai puak lak ding hawm na zong anuai aa bang in kinei hi.

  • Bishop Felix Lian Khen Thang -Patron
  • Msgr. Martin Suang Khan Mung -Patron
  • Rev. Fr. Joseph Pau Lian Kham -Director
  • Rev. Fr. Andrew Thang Ngaih Lian -Coordinator
  • Sr. Francisca Ciang Ngaih Lian -Treasurer and Editing in charge
  • Ms. Veronica Niang Hawm Cing -Announcer and Recording in charge
  • Sia William Kam Khen Pau -President and in charge of Education, Life of Saints.
  • Sia Bernard Thawng Siang Lian -Secretary and in charge of Ecumenism and Culture Knowledge
  • Sia Francis Lian Khan Pau -Gospel reading and prayer request.
  • Sia Joseph Hau Kap -Church History
  • Sia Michael Kaang Ngaih Lian - Catechism.
  • Sia John Vungh Khan Kap -Announcer, Health and Family Guideline.
  • Sia Raymond Kham Khan Kaang Drama, Composing songs, Children Programme.

RVA Zomi Tedim Tongluan aki khah khiat zawh, kum thum hitain,hatsatna tuamtuam te kawmkal ah, Pasian hehpihna tawh tuni ciang dong hoihtak in, kikhakkhia zo ahih manin, Topa tung lungdam ko hang. Thungetna leh piakkhiatna tawh pang khawm ciat nii.


RVA ZOMI TEDDIM TONGLUAN TAWH KIZOP THEIH NA TE

    Bishop's House
    Thuriya Road, Thazin 4/5
    Kalaymyo, Sagaing Region
    Myanmar

    Fr. Joseph Kham
    Sia John Kap
    Pihsih
    Sr. Ciang Ngaih

    073-21534
    09253313435
    09456992154

   teddimrva@gmail.comn
    kalaysignis@gmail.com